HUMOR
JEBUL KYAI GADHUNGAN TA
Pas ana acara sasi Muharam, ana
kampunge R dianakake acara pengajian
lan malam acara santunan kanggo anak yatim piatu sing uga dimeriahake acara hiburan. R lan kanca kenthele yaiku K, mara menyang acara kasebut.
Ana salah sawijining wong lanang
sing penampilane kaya kyai, nganggo klambi koko, peci sorban lan kemeja
kothak-kothak. R lan K banjur salaman karo para tamu liyane, ora ketinggalan uwong kuwi mau, malah nganggo acara cium
tangan barang.
Kaya santri sing salaman karo
kyai ning pondhok pesantren kae. Sawise salaman, R lan K banjur lungguh ana
kursi sing wis cumepak. Ora dinyana wong sing berpenampilan ala kyai mau lungguh ana jejere K, dadi
mesem-mesem sajak bangga.
Wuih... sabubare acara
sambutan-sambutan, ana tradisi acara yaiku rayahan dhuwit receh kanggo
bocah-bocah cilik. Ora dinyana, jebul Pak"Kyai" kuwi mau njenggirat
ngadeg uga ujug-ujug melu biyanget kae.
Spontan R
lan K kaget ra karu-karuwan banjur ngguyu ngekek, "We lha dalah, jebul kyai gadhungan, wong ra genep Hasyeeemmm, sialan... tiwas awake dhewe mau ndadak salaman nganggo ngambung tangan trus mundhuk-mundhuk
barang. Jebul wong ediaaannn... awake
dewe tertipuuu ... wkwkwkwkwk.
(Andri Astika Sukmawati-Wonogiri)
Sumber : Panjebar Semangat No. 7 - 18 Pebruari 2012
Tidak ada komentar:
Posting Komentar